მამუკა დიასამიძე, რომელსაც 2 თებერვალს "თბილისი მოლთან" გამართულ აქციაზე შსს-ის განსაკუთრებულ დავალებათა დეპარტამენტის უფროსმა, ზვიად ხარაზიშვილმა (ხარებამ), წიხლი ჩაარტყა, 2000 ლარით დააჯარიმეს.

მოსამართლე ზვიად ცეკვავამ აქციის მონაწილე, რომელიც ამტკიცებს, რომ ზვიად ხარაზიშვილის გარდა სხვა სპეცრაზმელებიც გაუსწორდნენ, რისი ამსახველი კადრებიც მედიაში მალევე გავრცელდა, პოლიციელის მოთხოვნისადმი დაუმორჩილებლობისა და წვრილმანი ხულიგნობის საქმეზე სამართალდამრღვევად ცნო და 2000 ლარით დააჯარიმა.

მამუკა დიასამიძემ რადიო თავისუფლებას უამბო, თუ რა ვითარებაში გაუსწორდა ზვიად ხარაზიშვილი ფიზიკურად.