კოალიცია ცვლილებისთვის წევრი, კობა ხაბაზი, სასამართლოში დაიბარეს. ამის შესახებ ინფორმაციას ხაბაზი სოციალურ ქსელში ავრცელებს.

"ჩამაბარეს უწყება.

ხვალ, 5 თებერვალს 14.00 საათზე სასამართლოში ვარ დაბარებული.

უნივერსიტეტთან გზის გადაკეტვაში მდებენ ბრალს.

ისე სხვათაშორის, წარმოვიდგინე მე რომ გზის გადაკეტვისთვის მასამართლებენ, ის მოძალადეები, ლამის სასიკვდილოდ რომ მცემეს, რა დღეში ეყოლებათ, ალბათ საკნებში ყავთ გამომწყვდეული მეთქი...", — წერს პოლიტიკოსი Facebook-ზე.