სამეფო კარის თამაშებში, სერსეი ლანისტერის პერსონაჟი ერთ-ერთ წამყვან და ძლიერ პერსონაჟად ითვლება.

ფანების უმეტესობა, ისევე როგორც თავად მწერალი ჯორჯ მარტინი, თვლის, რომ დედოფალი მთელს შოუში ყველაზე საშიში პერსონაჟია. ამაზე მიუთითებს ისიც, რომ მკვდრების არმიის მოახლოვების მიუხედავად, მისი პოლიტიკური მიზნები და ამ მიზნამდე მისასვლელი გზები არ იცვლება, პირიქით ის ნელ-ნელა უფრო ძლიერდება.

მეშვიდე სეზონის დასრულების შემდეგ ერთ-ერთი მნიშვნელოვანი კითხვა, რომელზეც გამუდმებით მიდის მსჯელობა, სერსეის ორსულობას ეხება.

ბევრი თვლის, რომ ლანისტერმა ჯეიმის "დასაჭერად" ახალი ტყუილი მოიგონა (რამაც როგორც ჩანს არ გაამართლა), ნაწილიც კი ამბობს, რომ ორსულობამ სერსეის კიდევ უფრო მეტი მიზეზი მისცა იმისთვის, რომ რკინის ტახტისთვის ბრძოლა არ შეწყვიტოს.

"ეს ყველაფერი ცოტათი პოკერის თამაშს ჰგავს, არავინ იცის ვის რაზეა წამსვლელი. სერსეი ლანისტერი ძალიან კარგი მოთამაშეა, მას აქვს ძალა და წლების განმავლობაში დაგროვილი ცოდნა, შესაბამისად იცის თუ როგორ უნდა წამოაგოს სხვები საკუთარ ანკესზე", ამბობს შოუს ერთ-ერთი შემქმნელი დეივიდ ბენიოფი.

რაც შეეხება ორსულობასთან დაკავშირებულ კითხვებს, ამაზე საკუთარ აზრს გამოთქვამს მეშვიდე სეზონის ერთ-ერთი რეჟისორი ჯერემი პოდესვა.

"მჯერა, რომ ის ნამდვილად ორსულადაა. ამით მას ახალი მიზეზი, ახალი ძალა მიეცა იმისათვის, რომ დაენერისს შეუბრალებელი ბრძოლა გამოუცხადოს. ჯეიმიმ შეიძლება ის მიატოვა, მაგრამ ეს მისთვის არაფერია, სერსეი ლანისტერი მარტო აღარასოდესს დარჩება.", ამბობს ჯერემი.

კიდევ ერთი თეორია, რომელიც სულ ცოტა ხნის წინ გამოითქვა, ორსული დაენერისისა და სერსეის ბრძოლას ეხება. ფანების აზრით მერვე სეზონში რკინის ტახტისთვის ბრძოლასთან ერთად, ორსული დედოფლების ომსაც ვიხილავთ.

ერთადერთი რაზეც ზუსტი პასუხი გვაქვს არის ის, რომ მერვე სეზონის გამოსვლამდე მოგვიწევს იმაზე მკითხაობა, არის თუ არა სერსეი ორსულად.