შსს-ს განცხადებაში წერია, რომ ჯგუფური ძალადობის ორგანიზებისა და ჯგუფური მოქმედების ორგანიზების ფაქტზე სამართალდამცველები თბილისის მასშტაბით, სხვადასხვა ლოკაციაზე, საგამოძიებო მოქმედებებს ატარებენ და ხორციელდება საქმესთან შემხებლობაში მყოფი პირების პირადი და სახლების ჩხრეკა.

"შინაგან საქმეთა სამინისტროს თბილისის პოლიციის დეპარტამენტში, ჯგუფური ძალადობის ორგანიზებისა და ჯგუფური მოქმედების ორგანიზების ფაქტზე, სისხლის სამართლის კოდექსის 225-ე მუხლის პირველი ნაწილით და 226-ე მუხლით დაწყებული გამოძიების ფარგლებში, სამართალდამცველები თბილისის მასშტაბით, სხვადასხვა ლოკაციაზე ატარებენ საგამოძიებო მოქმედებებს, მათ შორის საგამოძიებო ღონისძიებების ფარგლებში მოსამართლის განჩინების საფუძველზე ხორციელდება საქმესთან შემხებლობაში მყოფი პირების პირადი და სახლების ჩხრეკა", — ნათქვამია შსს-ს განცხადებაში.

ამ დროისთვის ჩხრეკა მიმდინარეობს ჯგუფ "დაიტოვეს" დამფუძნებლების, ილია ღლონტისა და ნენსი ვოლანდის სახლებში.

პოლიციამ საცხოვრებელი სახლის ჩხრეკის შემდეგ დააკავა სამოქალაქო აქტივისტი ისაკო დევიძე.