კოლუმბია შეერთებული შტატებიდან ტრანსპორტირებულ რეპატრირებული მიგრანტების მიღებას მას შემდეგ დათანხმდა, რაც დონალდ ტრამპი კოლუმბიის პრეზიდენტს, გუსტავო პედროს ტარიფების გაზრდით დაემუქრა, რადგან აშშ-ს სამხედრო თვითმფრინავები, რომელიც დეპორტირებული მიგრანტებით იყო დატვირთული, კოლუმბიამ არ მიიღო — ამის შესახებ ინფორმაციას CNN-ი თეთრ სახლზე დაყრდნობით ავრცელებს.

როგორც ამერიკული მედია ამბობს, კოლუმბიელმა პრეზიდენტმა, გუსტავო პედრომ შტატების სამხედრო თვითმფრინავების დაშვებაზე უარი განაცხადა და დასძინა, რომ აშშ-ს "არ შეუძლია მოექცეს კოლუმბიელ მიგრანტებს ისე, როგორ კრიმინალებს".

ამასთან, მოგვიანებით ტრამპმა გასცა ბრძანება 25%-იანი ტარიფები დაეწესებინათ კოლუმბიიდან იმპორტირებულ ყველა პროდუქტზე, რომელიც ერთ კვირაში 50%-მდე გაიზრდება, ამასთან ბრძანება იყო კოლუმბიელი მოქალაქეებისთვის "სამოგზაურო აკრძალვაზე" და კოლუმბიელი ოფიციალური პირების აშშ-ის ვიზის გაუქმებაზე.

"მიღებული ზომები არის მხოლოდ დასაწყისი. ჩვენ არ მივცემთ კოლუმბიის მთავრობას უფლებას, დაარღვიოს თავისი კანონიერი ვალდებულებები იმ კრიმინალების მიღებასა და დაბრუნებასთან დაკავშირებით, რომლებიც აიძულეს წასულიყვნენ შეერთებულ შტატებში!", — ამის შესახებ აშშ-ის პრეზიდენტმა, დონალდ ტრამპმა თავის Truth Social-ის გვერდზე დაწერა.

მოგვიანებით, კოლუმბიის პრეზიდენტი სოციალურ ქსელის საშუალებით დონალდ ტრამპს გამოეხმაურა და სახელმწიფო მდივანს, მარკო რუბიოს აშშ-ზე საპასუხო 25%-იანი ტარიფების დაწესებით დაემუქრა.

პეტრომ განაცხადა, რომ ის სამხედრო თვითმფრინავების გამოყენებას და მიგრანტებთან ამგვარად მოპყრობას ეწინააღმდეგება, თუმცა აღნიშნა, რომ კოლუმბიის კარი ღიაა რეპატრირებული მიგრანტებისთვის, რომლების სამოქალაქო თვითმფრინავებით დააბრუნეს ქვეყანაში.