უკრაინის პრეზიდენტმა ვოლოდიმირ ზელენსკიმ კომენტარი გააკეთა ინფორმაციაზე იმასთან დაკავშირებით, რომ აშშ-ის პრეზიდენტ დონალდ ტრამპის ახალმა ადმინისტრაციამ უცხოური დახმარებების გაცემის უდიდესი ნაწილი 90 დღით შეაჩერა.

უკრაინის პრეზიდენტმა მოლდოვის პრეზიდენტ მაია სანდუსთან ერთობლივ პრესკონფერენციაზე განაცხადა, რომ აშშ-ის სამხედრო დახმარება უკრაინის მიმართ ამ მომენტისათვის შეჩერებული არ არის.

"ვიცი, რომ მსოფლიოში უამრავი ინსტიტუტი არსებობს, რომლებსაც აშშ ადრე მხარს უჭერდა. მე მხოლოდ იმის შესახებ შემიძლია ვისაუბრო, რაც შეიძლება უკრაინამ დაკარგოს. მე სამხედრო დახმარებაზე ვარ ორიენტირებული და, მადლობა ღმერთს, ეს არ შეჩერებულა", —განაცხადა უკრაინის პრეზიდენტმა.