მზია ამაღლობელი შიმშილობას აგრძელებს — საქართველოს ახალგაზრდა იურისტთა ასოციაციის თავმჯდომარე ნონა ქურდოვანიძემ ჟურნალისტი ციხეში მოინახულა. უფლებადამცველი ამის შესახებ სოციალურ ქსელში წერს. ქურდოვანიძე აცხადებს, რომ დაკავებული ჟურნალისტი შიმშილობის შეწყვეტას არ აპირებს.

"დღეს ვნახე მზია ამაღლობელი. აგრძელებს შიმშილობას პროტესტის ნიშნად, არის მხნედ.
როგორც გადმომცა, არ შიმშილობს იმისთვის, რომ ამის გამო რაიმე შეღავათი მიიღოს, შიმშილობს პროტესტისთვის უსამართლობის გამო.
"დემოკრატია არ არის საჩუქარი, ჩვენმა საზოგადოებამ ეს ყველაზე კარგად იცის და ეს გამოჩნდა ახლაც. შიმშილობა რომ შევწყვიტო, ჩავთვლი, რომ თანაზიარი ვარ ამ უსამართლობის" — ესაა მზია ამაღლობელის სათქმელი.