გერმანიის კანცლერმა, ოლაფ შოლცმა გერმანულ მედიასთან ინტერვიუში განაცხადა, "აშშ-სთან სტაბილური ურთიერთობა გვჭირდება".

მან აღნიშნა, რომ გერმანიისა და ევროპისთვის უაღრესად მნიშვნელოვანია ტრანსატლანტიკური ურთიერთობები.

"არ უნდა დაგვავიწყდეს, რამდენად მნიშვნელოვანი იყო აშშ დასავლეთ გერმანიაში დემოკრატიის განვითარებისთვის. ნატო კი ჩვენი უსაფრთხოების გარანტია. ამიტომ ჩვენ აშშ-სთან სტაბილური ურთიერთობა გვჭირდება", — განაცხადა შოლცმა.

მან ასევე თქვა, რომ აშშ-ის პრეზიდენტს, დონალდ ტრამპს ტელეფონით უკვე ორჯერ ესაუბრა.

"მეგობრული და კარგი საუბრები იყო. ერთმანეთს ჩვენი მრჩევლებიც რამდენჯერმე შეხვდნენ. ამიტომ, ახალ ადმინისტრაციასთან ურთიერთობას ნულიდან არ ვიწყებთ", — აღნიშნა გერმანიის კანცლერმა.