სომხეთის თავდაცვის მინისტრმა სურენ პაპიკიანმა განაცხადა, რომ ოფიციალური ერევანი დაინტერესებულია მოსკოვთან ურთიერთობების მაღალ დონეზე შენარჩუნებით, სომხეთი და რუსეთი კი სტრატეგიულ მოკავშირეებად რჩებიან.
მინისტრმა აღნიშნა, რომ როდესაც საქმე ეხება ОДКБ-ს და 2020 წლის მოვლენებს, ჩნდება "ობიექტური კითხვები", რომლებზეც პასუხები "ჯანსაღ დისკუსიებზე" დაყრდნობით უნდა მივიღოთ.
ამასთან, მან ყურადღება გაამახვილა იმაზე, რომ სომხურ მხარეს არ გაუუქმებია მოსკოვთან ორმხრივი თანამშრომლობის არც ერთი დოკუმენტი.

"ჩვენ ოფიციალურად არც კი გაგვიუქმებია ОДКБ-ს წევრობა, მაგრამ რეალურად არ ვმონაწილეობთ ორგანიზაციის აქტივობებში და ჩვენი ბრალი არ არის, რომ ОДКБ არ არის სომხეთში. უნდა აღვნიშნო, რომ როდესაც ვსაუბრობთ ორმხრივ თანამშრომლობაზე ეს უნდა იყოს დაბალანსებული, ურთიერთპატივისცემაზე დაფუძნებული." — თქვა პაპიკიანმა.