აჭარის საზოგადოებრივი მაუწყებელი განცხადებას ავრცელებს და ბოდიშს იხდის.

"საზოგადოებრივი მაუწყებლის აჭარის ტელევიზია და რადიო ემიჯნება ჰომოფობიის ნებისმიერი ფორმით გამოხატვას. გამოშვება "მთავარის" წამყვანი იმყოფებოდა მძიმე ფსიქო-ემოციურ მდგომარეობაში, რაც გამოწვეული იყო იმით, რომ გამოშვების მიმდინარეობისას სტუდიაში უნებართვოდ იმყოფებოდა გარეშე პირი (ეთერ თურაძე რომელიც უნებართვოდ შემოვიდა მაუწყებლის შენობაში), რომელსაც ჩართული ჰქონდა ფეისბუქ ლაივი, რასაც მოჰყვა წამყვანის მიმართ აგრესია სოციალურ ქსელში, რაც გახდა მისი აღელვების მიზეზი.

ჩვენ ბოდიშს ვიხდით აღნიშნულის გამო და კიდევ ერთხელ ვაფიქსირებთ, რომ ვემიჯნებით ჰომოფობიის ნებისმიერი ფორმით გამოვლინებას." — ნათქვამია არხის განცხადებაში

საზოგადოებრივი მაუწყებლის აჭარის ტელევიზიის წამყვანის კადრს მიღმა საუბარი შემთხვევით პირდაპირ ეთერში გავიდა.

"ხელი არ შეუშლია [ეთერ თურაძეს], გადაცემის დამთავრება მაცადა" — ისმის ვიდეოში.

წამყვანი ჰომოფობიური ტერმინოლოგიით, დამამცირებლად მოიხსენიებს ერთ-ერთ ფეისბუქ მომხმარებელს, რომელმაც ის პოსტზე მონიშნა.