აბუ-დაბიში, ქართული ოცნების დეპუტატები ირაკლი ზარქუა, ვიქტორ სანიკიძე და გელა სამხარაული მოქალაქე ლაშა გაბიტაშვილს ფიზიკურად დაუპირისპირდნენ. ფაქტის ამსახველი ვიდეომასალა სოციალურ ქსელში ვრცელდება.

ლაშა გაბიტაშვილი კიდევ ერთ ვიდეო-ლაივში ჰყვება, რომ დილით სასტუმროს რესტორანში სასაუზმოდ ჩამოვიდა, სადაც ოცნების დეპუტატებიც იმყოფებოდნენ, მას შეურაცხყოფა მიაყენეს და ფიზიკურად გაუსწორდნენ. გავრცელებულ კადრებში ჩანს, რომ მას საუზმის დროს, ირაკლი ზარქუამ საჭმელი შეაყარა, შემდეგ ჩხუბში ვიქტორ სანიკიძე ჩაერთო.

მანამდე, გუშინ, 12 იანვარს, ლაშა გაბიტაშვილმა აბუ-დაბიში გადაღებული ვიდეო გაავრცელა, რომელშიც ირაკლი ზარქუასთან ერთად ჩანან: ქართული ოცნების რაჭა-ლეჩხუმი, ქვემო სვანეთის დელეგატი გოჩა ენუქიძე, ოცნების პარლამენტის წევრი გელა სამხარაული და განათლების, მეცნიერებისა და ახალგაზრდობის ყოფილი მინისტრი გიორგი ამილახვარი.

მომხდარს გუშინ სოციალურ ქსელში გამოეხმაურა ოცნების დეპუტატი ირაკლი ზარქუა. ის მოქალაქე ლაშა გაბიტაშვილს ამ სიტყვებით მიმართავს: "პანჩურის გამო შარვალი თუ გაგერღვა, "იზვინი ბრატ", გამოდი და აქაურ "რისეფშენს" ვთხოვ, ამოგიკერონ!".

ამავე თემაზე:

"პანჩურის გამო შარვალი თუ გაგერღვა, "იზვინი ბრატ", გამოდი და აქაურ "რისეფშენს" ვთხოვ, ამოგიკერონ!" — ირაკლი ზარქუა მოქალაქეს