კორუმპირებული ივანიშვილი და მისი პარტია "ქართული კოშმარი" საქართველოს რუსეთის კოლონიად აქცევს, — ამის შესახებ კონგრესმენი სტივ კოენი (დემოკრატიული პარტია) აცხადებს.

"კორუმპირებული ივანიშვილი და მისი ქართული კოშმარი პარტია საქართველოს რუსეთის კოლონიად აქცევს. რეჟიმის ავაზაკები ანადგურებენ და აპატიმრებენ მომიტინგეებს, რომლებიც ითხოვენ თავისუფალ და სამართლიან არჩევნებს, რადგან დამოუკიდებელი დამკვირვებლები ოქტომბრის ბოლოს ჩატარებულ არჩევნებს ფუნდამენტურად ხარვეზს უწოდებენ. ქართველი ხალხი ტრანსატლანტიკურ გზაზე დაბრუნებას ითხოვს და ჩვენ მათ ამაში უნდა დავეხმაროთ. MEGOBARI აქტი ითვალისწინებს დახმარებას, აწესებს სანქციებს პუტინის პაიკებზე და გვპირდება გაღრმავებულ ურთიერთობას, საქართველოს დემოკრატია და სუვერენიტეტი აღდგება", — აცხადებს კოენი.

აშშ-ის ჰელსინკის კომისიის თავმჯდომარემ, კონგრესმენმა ჯო უილსონმა (რესპუბლიკური პარტია) კონგრესში "MEGOBARI აქტი" ხელახლა წარადგინა.

ამერიკელი კონგრესმენის, ჯო უილსონის განცხადების თანახმად, "MEGOBARI აქტი" ქართული ოცნების ყველა ოფიციალური პირის მიმართ სანქციების ყოვლისმომცველ გადახედვას მოითხოვს და კორუფციაში ჩართული პირები და საქართველოს სუვერენიტეტის შელახვაზე პასუხისმგებელი პირები დასანქცირდებიან.