საქართველოს სტატისტიკის ეროვნული სამსახურის მონაცემებით, დეკემბერში ბოსტნეულისა და ბაღჩეულის ფასები 5.3%-ით გაიზარდა, ზეთისა და ცხიმის 3%-ით. ნოემბერთან შედარებით, დეკემბერში გაიზარდა ფასები რძის პროდუქტებსა და კვერცხზეც — ზრდამ ამ მიმართულებით 2.4% შეადგინა.

"2024 წლის დეკემბერში წინა თვესთან შედარებით ინფლაციის დონემ საქართველოში 0.7
პროცენტი, ხოლო წლიური ინფლაციის დონემ 1.9 პროცენტი შეადგინა", — ვკითხულობთ დოკუმენტში, რომელსაც საქსტატი ავრცელებს.

საქსტატის ცნობით, ფასები გაიზარდა სატრანსპორტო მომსახურებაზე (1.2 პროცენტით), სატრანსპორტო საშუალებების შეძენაზე (1.2 პროცენტით) და პირადი სატრანსპორტო საშუალებების ექსპლუატაციაზეც (0.2 პროცენტით).

ჯანმრთელობის დაცვის მიმართულებით, ფასები მომატებულია 1.4 პროცენტით, რაც თვის ინფლაციაზე 0.14 პროცენტული პუნქტით აისახა. ფასები, ძირითადად, გაიზარდა სამედიცინო პროდუქციის, აპარატურის და მოწყობილობის (2.2 პროცენტი) ქვეჯგუფზე.

ტანსაცმელი და ფეხსაცმელი: ჯგუფში ფასები შემცირდა 1.8 პროცენტით, რაც თვის
ინფლაციაზე -0.07 პროცენტული პუნქტით აისახა. ფასები შემცირებულია როგორც ფეხსაცმლის
(-3.7 პროცენტი), ისე ტანსაცმლის (-1.1 პროცენტი) ქვეჯგუფებზე

ფოტო: საქართველოს სტატისტიკის ეროვნული სამსახური

ფოტო: საქართველოს სტატისტიკის ეროვნული სამსახური