უკრაინის პრეზიდენტმა, ვოლოდიმირ ზელენსკიმ უკრაინულ მედიასთან საუბარში დონალდ ტრამპის შესახებ ისაუბრა. ზელენსკის ცნობით, ტრამპს ნამდვილად სურს და შეუძლია, დაასრულოს რუსეთის სამხედრო აგრესია და შეაჩეროს პუტინი.

"ტრამპს შეუძლია გადამწყვეტი იყოს. ვფიქრობ, რომ ჩვენთვის ეს არის ყველაზე მნიშვნელოვანი. მას შეუძლია გადამწყვეტი იყოს ამ ომში. მას შეუძლია შეაჩეროს პუტინი — უფრო სწორად, დაგვეხმაროს პუტინის შეჩერებაში. მას შეუძლია ამის გაკეთება“, — განაცხადა ზელენსკიმ.

მისი თქმით, აშშ-ის არჩეულ პრეზიდენტთან უკვე არაერთხელ ისაუბრა. ზელენსკი ტრამპს "ძლიერსა და არაპროგნოზირებადს" უწოდებს.

"ვისურვებდი, რომ პრეზიდენტ ტრამპის არაპროგნოზირებადობა, პირველ რიგში, რუსეთის ფედერაციას შეეხოს. ვთვლი, რომ მას ნამდვილად სურს ომის დასრულება. მჯერა, რომ ეს სიმართლეა", — აღნიშნა ზელენსკიმ.