რუსთაველის გამზირზე მიმდინარე აქციაზე დაკავებული ექვსივე ადამიანი ხელწერილით გათავისუფლდა.

აღნიშნულის შესახებ ინფორმაციას შინაგან საქმეთა სამინისტროში ადასტურებენ.

პარლამენტის მიმდებარე ტერიტორიაზე აქციის მონაწილეებსა და პოლიციას შორის შეხლა-შემოხლა იყო. პოლიციამ აქციის მონაწილეები ძალის გამოყენებით დააკავა. აქციის ექვსივე მონაწილე ადმინისტრაციული წესით იყო დაკავებული.

აქციის მონაწილეებს პოლიცია მოუწოდებდა, რომ ტროტუარზე გადასულიყვნენ და საავტომობილო მოძრაობა არ შეეზღუდათ.