საქართველოში გამართულ "ერთობის ჯაჭვს" ლიეტუვის საგარეო საქმეთა მინისტრი, კესტუტის ბუდრისი ეხმაურება და აღნიშნავს, რომ "დღეს ქართველი ხალხი ერთიანობის ჯაჭვში დემოკრატიისთვისა და თავიანთი ევროპული მომავლისთვის დგას".

"თავისუფლების სული უტეხია. დღეს ქართველი ხალხი ერთიანობის ჯაჭვში დგას დემოკრატიისთვისა და თავიანთი ევროპული მომავლისთვის, როგორც ლიეტუვა, ლატვია და ესტონეთი ხელიხელჩაკიდებულები იდგნენ „ბალტიის გზაში“, რათა თავი დაეღწიათ საბჭოური ციხიდან. ძვირფასო ქართველებო, მყარად დარჩით - ლიეტუვა თქვენთანაა", — განაცხადა ბუდრისმა.