HBO-ს საკულტო სერიალის, სამეფო კარის თამაშების, გარშემო მითქმა-მოთქმა არ წყდება. მსოფლიოს გარშემო ყველა ფორუმსა თუ საიტზე სხვადასხვა კოლაჟებსა და ვიდეო მასალას გვთავაზობენ, ზოგი იუმორისტულია, ზოგიც ზედმეტად სერიოზული.

ამ საყოველთაო აურზაურს რა თქმა უნდა არც საქართველო ჩამოუვარდება. საკომუნიკაციო სააგენტო Marshall • მარშალის ფეისბუკ გვერდმა ცოტა ხნის წინ საკუთარ მომხმარებელს შესანიშნავი ფოტომასალა გაუზიარა და უჩვენა თუ რა მოხდებოდა სამეფო კარის თამაშების პერსონაჟები ქართველები რომ ყოფილიყვნენ.

გთავაზობთ ფოტომასალას:

საფიხვნოს თავში ჯონ სნოუ-ქეთელაური იჯდებოდა

ფოტო: Marshall • მარშალი

დაენერის ტარგარიანი დაგვიმტკიცებდა, რომ "ლეკვილომისასწორია ძუ იყოს თუნდა ხვადია"

სანსა სტარკი მწყურვალ კაცს წყაროზე ჩაიყვანდა და წყალს არ დაალევინებდა

საქართველოს თეთრი-ლენგები შემოესეოდნენ

გვეყოლებოდა ორსახოვანი არია მინდილი, ხევსურეთიდან. იგივე მზევინარი

მწიგობართუხუცეს-ჭყონდიდლად და სამეფოში მეორე პირად-ტირიონ ლანისტერი მოგვევლინებოდა

და ძმისთვისაო, შავი დღისთვისაო - იტყოდა სერსეი და ვირზე უკუღმა შესმულს ტალახიც მოხვდებოდა მარჯვენა-მოჭრილ ჯეიმი არსაკიძის სიყვარულისთვის