ოსკაროსანმა მსახიობმა სანდრა ბულოკმა ცოტა ხსნის წინ თქვა, რომ ის ტეხასში მომხდარი სტიქიის შედეგად დაზარალებულთა დასახმარებლად ერთ მილიონ დოლარს გადარიცხავს.

ბულოკი უკვე წლებია, რაც ამერიკული წითელი ჯვრის ორგანიზაციის ერთ-ერთი წამყვანი მოხალისე და დამფინანსებელია, ამავდროულად ის ტეხასის შტატის ერთ-ერთ ქალაქში სახლსაც ფლობს.

"მსგავსი კატასტროფების დროს პოლიტიკა არაფერ შუაში არის, ამ დროს ყველაფერი ადამიანსა და მის ბუნებაზეა დამოკიდებული", ამბობს ბულოკი.

სანდრა ბულოკის მსგავსად, ქარიშხალი ჰარვისგან დაზარალებულთა დასახმარებლად წითელ ჯვარს თანხა კიმ კარდაშიანმა, დუეინ ჯონსონმა, ნიკი მინაჟმა და დისნეის ანიმაციური სტუდიამაც გადარიცხეს.

შეგახსენებთ, რომ ამერიკის შტატ ტეხასში 25 აგვისტოს, სანაპიროებს ქარიშხალმა ჰარვიმ გადაუარა, წვიმის შედეგად წარმოქმნილმა წყალდიდობამ კი რამდენიმე ადამიანის სიცოცხლეც იმსხვერპლა.