კლინიკა ინოვა, ი. ჟორდანიას და ნ. ბოხუას სახელობის სამედიცინო ცენტრები სოლიდარობას უცხადებს საქართველოს მოსახლეობას და მიმდინარე აქციებზე დაშავებულებს დიაგნოსტიკასა და მკურნალობას უანგაროდ სთავაზობენ. ამის შესახებ კლინიკები თავიანთ სოციალურ ქსელებში წერენ.

ი.ჟორდანიას სახელობის სამედიცინო ცენტრი განცხადებაში წერს, რომ მუდმივ რეჟიმში, მზად არია, უანგაროდ გაუწიონ საჭირო დახმარება ყველა იმ ადამიანს, რომელიც ბოლო დღეებში მომხდარი ძალადობის შედეგად დაშავდა.

"ი.ჟორდანიას სახელობის სამედიცინო ცენტრი და მისი სამედიცინო პერსონალი სრულ სოლიდარობას უცხადებს და გვერდით უდგას საქართველოს მოსახლეობას. ჩვენ, მუდმივ რეჟიმში, მზად ვართ უანგაროდ გავუწიოთ საჭირო დახმარება - იქნება ეს ნებისმიერი სამედიცინო ჩარევა თუ გამოკვლევა — ყველა იმ ადამიანს, რომელიც ბოლო დღეებში მომხდარი ძალადობის შედეგად დაშავდა", — წერს ჟორდანიას სამედიცინო ცენტრი გავრცელებულ განცხადებაში.

უცვლელად გთავაზობთ ნ. ბოხუას სახელობის სამედიცინო ცენტრისა და კლინიკა ინოვას მიერ გავრცელებულ განცხადებებს:

"ნ. ბოხუას სახელობის სამედიცინო ცენტრი და მისი პერსონალი სრულ სოლიდარობას უცხადებს და გვერდით უდგას საქართველოს მოსახლეობას. ჩვენ, მუდმივ რეჟიმში, მზად ვართ უანგაროდ გავუწიოთ საჭირო დახმარება — იქნება ეს ნებისმიერი სამედიცინო ჩარევა თუ გამოკვლევა - ყველა იმ ადამიანს, რომელიც ბოლო დღეებში მომხდარი ძალადობის შედეგად დაშავდა", — ნათქვამია ნ.ბოხუას სახელობის კარდიოვასკულური ცენტრის განცხადებაში

"კლინიკა ინოვა და მისი სამედიცინო პერსონალი სრულ სოლიდარობას უცხადებს და გვერდით უდგას საქართველოს მოსახლეობას. ჩვენ, მუდმივ რეჟიმში, მზად ვართ უანგაროდ გავუწიოთ საჭირო დახმარება — იქნება ეს ნებისმიერი სამედიცინო ჩარევა თუ გამოკვლევა - ყველა იმ ადამიანს, რომელიც ბოლო დღეებში მომხდარი ძალადობის შედეგად დაშავდა", — ვკითხულობთ სამედიცინო ცენტრ ინოვას განცხადებაში.