"კავკაზსკი უზელის" ჟურნალისტი, ბესლან კმუზოვი სოციალურ ქსელში წერს, რომ ხვალ, 10 დეკემბერს, 11 საათზე შინაგან საქმეთა სამინისტროს მიგრაციის სამსახურში იბარებენ. ჟურნალისტი საზოგადოებას აფრთხილებს, რომ ის რუსეთში წასვლას არ ვაპირებ, რადგან იქ არც უძრავი ქონება აქვს, არც რუსული პასპორტი და არც ფული საცხოვრებლის გასაქირავებლად.

"თუ ვინმე იტყვის, რომ მე გადავწყვიტე რუსეთში ნებართვის გარეშე წავსულიყავი, ეს ასე არ არის. არ მინდა იქ აღმოვჩნდე ჩემი ნების საწინააღმდეგოდ.

ვისაც მხარდაჭერა უნდა, ხვალ 10:50 საათზე მობრძანდით მიხეილ გახოკიძის 16-ში. მიგრაციის განყოფილებაში", — წერს ბესლან კმუზოვი.

შეგახსენებთ, რომ "კავკაზსკი უზელის" ჟურნალისტი, ბესლან კმუზოვ 7 დეკემბერს რუსთაველის გამზირზე საპროტესტო აქციაზე დააკავეს. ამის შესახებ ინფორმაცია მისმა მეუღლემ, ნია ხუბუნაიამ გავრცელა.

„ბესლანი აქციის დარბევის დროს 173-ე მუხლით დააკავეს. სასამართლო პროცესი ხვალ იქნება. მისი მდგომარეობის შესახებ ინფორმაცია არ მაქვს. ისევ სსრკ-ში ვართ — პოლიცია გვიფრთხილდება. ჯერ დაგვიჭერს, მერე გამოგვიშვებს", –— დაწერა ნია ხუბუნაიამ სოციალურ ქსელში.

ბესლან კმუზოვი 8 დეკემბერს 2000-ლარიანი გირაოს სანაცვლოდ გაათავისუფლეს. დღეს, 9 დეკემბერს კი შსს-ს საემიგრაციო სამსახურში დაიბარეს.