ყველგან პოლიცია, არსად სამართალი - ამ სლოგანით თეატრალური საზოგადოების წარმომადგენლები აქციას მართავენ. ისინი იუსტიციის სახლიდან საპროტესტო მსვლელობით პოლიციის განყოფილებებისკენ მიემართებიან. ხელოვანები ძალოვნებს შეახსენებენ, რომ უნდა დააკავონ რეალური დამნაშავეები და დაიცვან მოქალაქეები.

აქციაზე მყოფი მსახიობი გივიკო ბარათაშვილი იმედოვნებს, რომ მსახიობების გაფიცვა იქნება გადამდები სხვა პროფესიის ადამიანებზე, რადგან გაფიცვა ყველაზე მშვიდობიანი და ეფექტიანი ხერხია იმ ბოროტების წინააღმდეგ, რასაც დღეს ვხედავთ.

"აღარ დარჩა ქვეყანაში ინსტიტუცია, რომელიც მე, ამ ქვეყნის მოქალაქეს თავს დაცულად მაგრძნობინებს და რაღა დაგვრჩენია ჩვენ, ამ ქვეყნის მოქალაქეებს გარდა იმისა, რომ გამოვიდეთ და ასე შიშველი ხელებით ვიბრძოლოთ მშვიდობისთვის, დიდი უსამართლობის წინააღმდეგ. იმიტომ, რომ მშვიდობისთვის იბრძვის ის ხალხი, რომელიც ბოლო 10 დღის განმავლობაში დგას რუსთაველზე და არ აის ხალხი, რომლებმაც სლოგანებად და წინასაარჩევნო დაპირებად გვიფრიალა ეს სიტყვა. ჩვენ მსახიობები, არა მარტო თეატრში მომუშავე ხალხი გავიფიცეთ. ძალიან დიდი იმედი მაქვს, რომ ეს გაფიცვა იქნება გადამდები სხვა პროფესიის ადამიანებზე, იმიტომ რომ გაფიცვა არის ყველაზე მშვიდობიანი და ეფექტიანი ხერხია იმ ბოროტების წინააღმდეგ, რასაც ჩვენ დღეს ვხედავთ", — აცხადებს მსახიობი გივიკო ბარათაშვილი "მთავართან".