რუსთაველის გამზირზე მიმდინარე აქციის დაშლისას, სპეცრაზმმა ეკონომიკის მინისტრის ყოფილი მოადგილე ნიკოლოზ ალავიძე და მისი შვილი დააკავა. სხვადასხვა ტელევიზიის კადრებში ჩანს ნიკა ალავიძის მეუღლე, რომელიც ოჯახის წევრებს ეძებს.

ჯერჯერობით, უცნობია სად გადაიყვანეს დაკავებული მშვიდობიანი მომიტინგეები.

საპოლიციო ძალები მომიტინგეების წინააღმდეგ პერიოდულად იყენებენ წყლის ჭავლსა და სპეციალურ საშუალებებს, მაგრამ აქციის მონაწილეები მაინც არ იშლებიან — აქციის დაშლის ოპერაცია ამ დრომდე გრძელდება. არ არის ცნობილი, თუ რატომ მიიღო შინაგან საქმეთა სამინისტრომ მშვიდობიანი აქციის დაშლის გადაწყვეტილება.