რიგითი მოქალაქეების სექსუალური შევიწროებითა და გინებით დაკავებულ ლაშა ტალახაძეს, რომელიც პარლამენტში კიდევ უფრო გაზრდილ პრემიებს ითხოვს სპორტსმენებისათვის, წიგნების კითხვისა და ქართული ენის სწავლის დრო აშკარად არ რჩება. სამწუხაროდ, დღევანდელ საქართველოში განათლება, დიპლომატიური უნარები, ტაქტი, ზრდილობა, და, გაგიკვირდებათ, გამართულად მეტყველებაც კი არაა აუცილებელი პოლიტიკოსობისათვის. თუმცა, გადავწყვიტეთ, ლაშა ტალახაძისთვის მართლწერისა და გრამატიკის რამდენიმე რჩევა მაინც მიგვეცა, რათა გამართულად მაინც გამოლანძღოს ის ადამიანები, რომლებმაც მისი პარლამენტში აღმოჩენა ქართველი ერის დაცინვად სრულიად სამართლიანად ჩათვალეს.

1.მრავლობითი რიცხვის II პირის ნაცვალსახელს ზმნაც მრავლობითში შეეწყობა

ლაშა ტალახაძის მოქალაქესთან მიმოწერის პირველივე წინადადებიდან ვხვდებით, რომ საქმე ძალიან მძიმედაა... "კითხვა არ იცით, მოსმენა მაინც ისწავლეთ, თქვე საწყლებო" — ლაშა, სულიერი ჯგუფის სახელებს, რომლებიც მრავლობით რიცხვშია, ზმნაც მრავლობითში შეეწყობა. გამონაკლისებზე მერე ვისაუბროთ, როცა ამ მასალას დაძლევ.

2. სიტყვა "უზრდელს" ასო რ აუცილებლად სჭირდება

ლაშა, მოდი, თავიდან დავიწყოთ — ქართულ ენაში ორი მეორე პირის ნაცვალსახელი გვაქვს — შენ და თქვენ. შენ მხოლობითია, თქვენ კი — მრავლობითი. რადგან მოცემული ფრაზით შენ ბევრ ადამიანს ლანძღავ, ზმნაც მრავლობით რიცხვში უნდა დაწერო. “კითხვა არ იცით, მოსმენა მაინც ისწავლეთ, თქვე საწყლებო” — აი, სწორი ვერსია ასეთი იქნებოდა.

3. შე-უ-რა-ცხ-ყო-ფა, ლაშა!

ლაშა ტალახაძეს ჰგონია, ფეისბუქისა და ინსტაგრამის კედელ-კედელ ჩამოვლისას ხალხს შეურაწყოფას აყენებს და გვინდა შევუსწოროთ — ლაშა, ის სიტყვა, რის თქმასაც ცდილობ, შეურაცხყოფაა და არა შეურაწყოფა. შეიძლება, დამარცვლით უფრო მარტივად დაიმახსოვრო. ამასთან ერთად, "ათმაგი" ზედსართავი სახელია და ციფრებით კი არა, ასოებით უნდა დაწერო.

ბევრი რომ არ გავაგრძელოთ, ლაშა ტალახაძის საჯარო კომენტარებიდან ერთი ისეთის მოძებნაც კი გაგვიჭირდება, რომელშიც დალაგებულად მეტყველებს. ისეთ ტრაგედიულ რეალობაში, სადაც პარლამენტარებს ელემენტარული განათლებაც არ აქვთ, მომავალ პრეზიდენტს კი — დიპლომი, აშკარაა, რომ მმართველი პარტიისთვის განათლებული ადამიანები საშიშროებას წარმოადგენენ.

სამგზის ოლიმპიურ ჩემპიონს დანანებით ვურჩევდით, იმ საქმეს მიხედოს, რაც გამოსდის. წერა-კითხვა, პარლამენტში ჭკვიანურთან მიახლოებული რეპლიკების სროლა და დამსახურებული კრიტიკის მიღება მას არ გამოსდის, ამიტომ ურჩევნია, თავისი თავიც დაინდოს და ქვეყანაც.