ჯორჯიან უოთერ ენდ ფაუერის მიერ გავრცელებული განცხადებით, ხვალ 28 ნოემბერს, სამგორის რაიონშ, აბლ ბენდუქიძის N15-ის მიმდებარეს, წყალმომარაგების სტაბილურობისთვის აუცილებელ ტექნიკურ სამუშაოებს ჩაატარებს.

მათივე ცნობით, კომპანიის ტექნიკური ჯგუფები სამუშაოებს ხვალიდან, 15:00 საათზე დაიწყებენ და 24 საათიან ინტენსიურ რეჟიმში შეასრულებენ.

"აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 28 ნოემბერს, დღის 15:00 საათიდან 29 ნოემბრის დღის 15:00 საათამდე წყალმომარაგება შეეზღუდება:

სამგორის რაიონში: ნავთლუღის მე-2, ქვემო მელითონეთა, 31-ე ქარხნის, აეროდრომისა და მიმდებარე დასახლებებს; იდუმალის, წურწუმიას, ქინძმარაულის, ნაკაშიძის, ფაღავას, წმინდა ბარბარეს, ქიზიყის, ჟორესის, ენუქიძის, პოლიციის, ჭიჭინაძის, გუმათგესის, გუგუშვილის, ენგურჰესის, ცისკარიშვილის, სადგური ველს, გვაზავას, ცისკარას, ოდიშელიძის, ფრისის ქუჩებს, ალადასტურის და კვირიკაშვილის ქუჩებს; სოფელებს: გამარჯვება, გაჩიანი, აგთაკლია, ყარათაკლია, ყარაჯალარი და ფოლადაანთკარი;

კრწანისის რაიონში: გიგანტის და ზოოვეტის დასახლებას; ზემო და ქვემო ფონიჭალას, რუსთავის გზატკეცილს, სოფლებს: ჭალა, თელეთი და ფონიჭალა, ვაგზლის ქუჩას.

ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის. სამუშაოების მიმდინარეობის პერიოდში, წყალმომარაგების სრულად აღდგენამდე, კომპანია მოსახლეობას სასმელ წყალს ცისტერნებით მიაწვდის.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge", – ვკითხულობთ გავრცელებულ განცხადებაში.