ჰამასის ოფიციალურმა წარმომადგენელმა სააგენტო ფრანს-პრესს განუცხადა, რომ — ორგანიზაცია ისრაელთან ცეცხლის შეწყვეტის შეთანხმებისთვის მზად არის.

"ჩვენ ეგვიპტეში, კატარსა და თურქეთში შუამავლებს ვაცნობეთ, რომ „ჰამასი“ ცეცხლის შეწყვეტის შეთანხმებისთვის და ტყვეების გაცვლის სერიოზული შეთანხმებისთვის მზად არის", — განაცხადა ჰამასის ოფიციალურმა პირმა.

მანვე დასძინა, რომ ჰამასი მიესალმება ისრაელსა და ჰეზბოლას შორის ცეცხლის შეწყვეტის შესახებ შეთანხმების მიღწევას.

ცნობისთვის, ისრაელსა და ჰეზბოლას შორის ლიბანში ცეცხლის შეწყვეტის შესახებ შეთანხმება ძალაში დღეს შევიდა.