ამერიკის შეერთებული შტატების შუამავლობით ისრაელსა და "ჰეზბოლას" შორის ცეცხლის შეწყვეტის შეთანხმება დღეს, ადგილობრივი დროით 04:00 საათიდან ძალაში შევიდა. აღნიშნულ ინფორმაციას The Times of Israel ავრცელებს.

როგორც მედიასაშუალება იტყობინება, შეთანხმება 60-დღიან გარდამავალ პერიოდს ითვალისწინებს, რომლის დროსაც ისრაელის თავდაცვის ძალები გამოიყვანს თავის ძალებს სამხრეთ ლიბანიდან, ლიბანის არმია განათავსებს დაახლოებით 5000 ჯარისკაცს მდინარე ლიტანის სამხრეთით, მათ შორის ისრაელთან საზღვრის გასწვრივ 33 პოსტზე.

შეთანხმების შედეგად, "ჰეზბოლას" ძალები დატოვებენ სამხრეთ ლიბანს და დაიშლება მისი სამხედრო ინფრასტრუქტურა.