CNN-ი ისრაელის ოფიციალურ პირზე დაყრდნობით წერს, რომ დღეს, 26 ნოემბერს, ისრაელის უშიშროების კაბინეტი ლიბანში ცეცხლის შეწყვეტის შესახებ შესთანხმდა, რაც ჰეზბოლასთან თვეების განმავლობაში მიმდინარე ომს დაასრულებს და ბოლოს მოუღებს ფართომასშტაბიან შეტაკებებს, რამაც ათასობით ადამიანი იმსხვერპლა.

დღეს, წინასწარ ჩაწერილ სატელევიზიო მიმართვაში, პრემიერმინისტრმა ბენიამინ ნეთანიაჰუმ თქვა, რომ ჰეზბოლა "იგივე აღარ არის" ისრაელის თავდასხმის შემდეგ და დაასახელა სამი ძირითადი მიზეზი, რის გამოც ის ახლა ცეცხლის შეწყვეტას ცდილობს:

პირველი: იმისთვის, რომ ისრაელს ჰქონდეს საშუალება, რომ "ფოკუსირდეს ირანისგან მომდინარე საფრთხეზე"; მეორე: განაახლოს ქვეყნის "სამხედრო ძალები და აღჭურვილობა" რომელიც, მისი თქმით, ნაწილობრივ ამოიწურა, რადგან იარაღის მიწოდება "შეფერხდა" და მესამე — შეძლოს ღაზაში ჰამასის იზოლირება.

კენჭისყრამდე რამდენიმე საათით ადრე ისრაელმა მნიშვნელოვნად გააძლიერა დარტყმები ბეირუთზე. მიზანში ამოიღო ქალაქის ცენტრალური უბნები და არა მხოლოდ ჰეზბოლას მიერ დომინირებული სამხრეთ გარეუბნები. ლიბანის ჯანდაცვის სამინისტროს ცნობით, სულ მცირე 10 ადამიანი დაიღუპა ბეირუთის ცენტრში თავდასხმის შედეგად.

მიუხედავად იმისა, რომ შეთანხმება ჯერ არ არის ოფიციალურად გამოცხადებული, ითვლება, რომ საომარი მოქმედებების 60-დღიანი შეწყვეტა მიზნად ისახავს გაეროს უშიშროების საბჭოს 1701-ე რეზოლუციის შესრულებას იმ იმედით, რომ ეს შეიძლება ხანგრძლივი ზავის საფუძველიც კი გახდეს.

1701-ე რეზოლუცია 2006 წელს, ისრაელსა და ლიბანს შორის არსებული 34-დღიანი ომის დასასრულებლად მიიღეს, რის შემდეგაც ამ მხარეში თითქმის ორი ათეული წელი ნარჩუნდებოდა შედარებითი სიმშვიდეს გასული წლის 7 ნოემბრამდე, როცა ჰამასი ისრაელს თავ დაესხა.

რეზოლუციის მიხედვით, ისრაელმა უნდა გაიყვანოს თავისი სამხედრო ძალები სამხრეთ ლიბანიდან და მდინარე ლიტანის სამხრეთით მყოფი ერთადერთი შეიარაღებული დაჯგუფება უნდა იყოს ლიბანის სამხედრო და გაეროს სამშვიდობო ძალები.