"ზაჰესის წინასწარი დაკავების იზოლატორში ვაცხადებ მშრალ შიმშილობას", — ამის შესახებ სოციალურ ქსელში 19 ნოემბერს აქციის დაშლისას დაკავებული ისაკო დევიძე წერს, რომელსაც საქალაქო სასამართლომ 8-დღიანი პატიმრობა მიუსაჯა.

ისაკო დევიძე წერს, რომ ამით სურს რუსული რეჟიმის მიერ საპროტესტო მოძრაობისას დაკავებულ და დევნილ ყველა ადამიანს სოლიდარობა გამოუცხადოს.

"რუსული რეჟიმის მიერ, საპროტესტო მოძრაობისას დაკავებული და დევნილი ყველა ადამიანის მიმართ სოლიდარობის ნიშნად, ზაჰესის წინასწარი დაკავების იზოლატორში ვაცხადებ მშრალ შიმშილობას!

რუსებმა, რომ ვერ წაგვართვან სამშობლო, ყველამ ჩვენი შესაძლებლობების ფარგლებში უნდა ვიბრძოლოთ რეჟიმის წინააღმდეგ.

საქართველო გაიმარჯვებს", — წერს ისაკო დევიძე.