უკრაინის საგარეო საქმეთა მინისტრმა, ანდრეი სიბიგამ აშშ-ის კონგრესში გამართული მოსმენის დროს განაცხადა, რომ კიევი მოსკოვთან ტერიტორიის დათმობის სანაცვლოდ არანაირ შეთანხმებას არ დათანხმდება.

"უკრაინა არ მიიღებს რაიმე წინადადებას, რომელიც მოიცავს კომპრომისს ჩვენს სუვერენიტეტთან ან ტერიტორიულ მთლიანობასთან დაკავშირებით, არ მივიღებთ ჩვენი მონაწილეობის გარეშე შემუშავებულ არანაირ ინიციატივას, არ მივიღებთ შეთანხმებას: მიწა მშვიდობის სანაცვლოდ", — აღნიშნა სიბიგამ.

ამასთან, უკრაინის საგარეო საქმეთა მინისტრმა აღნიშნა, რომ ეს მილიონობით ადამიანის აგრესორის ხელში დატოვებას ნიშნავს, რაც გენოციდს წამებასა და ჩაგვრას გამოიწვევს.

"ეს არის დაშოშმინება და არ მშვიდობა. დაშოშმინება წარსულში არასდროს მუშაობდა და არც ახლა იმუშავებს", — განაცხადა სიბიგამ.

მან რუსეთიში დამტკიცებულ განახლებულ ბირთვულ დოქტრინაზეც ისაუბრა, რაც მისი თქმით, ეს რუსეთის მხრიდან შანტაჟია.

"რუსეთის განახლებული ბირთვული დოქტრინა და რიტორიკა ბირთვული იარაღის გამოყენების შესახებ სხვა არაფერია, თუ არა შანტაჟი", — თქვა მან.