ჟურნალისტურმა რესურსცენტრმა (JRC) სამოქალაქო საზოგადოების ჯილდო მიიღო. ეს ჯილდო ქართულმა ორგანიზაციამ ისტორიაში პირველად დაიმსახურა.

“სამოქალაქო საზოგადოების ჯილდო” (Civil Society Award) 2018 წელს, აღმოსავლეთ პარტნიორობის (EAP) 1 200-ზე მეტმა საზოგადოებრივმა ორგანიზაციამ დააარსა და მისი მიზანი სამოქალაქო ორგანზიაციების მხარდაჭერაა, რომლებიც ქვეყანაში დემოკრატიული რეფორმების გატარებას ემსახურებიან. ჯილდოს ევროკავშირის მიერ დაფინანსებული აღმოსავლეთ პარტნიორობის სამოქალაქო საზოგადოების ფორუმი გასცემს.

ჟურნლისტკის რესურსცენტრმა ჯილდო რუსული კანონის წინააღმდეგ ბრძოლისათვის, საქართველოში თავისუფალი, სამართლიანი და დამოუკიდებელი მედიის დაცვისთვის მიიღო.

"ვცდილობდით საარჩევნო პროცესში ახალი ტექნოლოგიების დანერგვას, ხელისუფლებამ კი ტექნოლოგიები ამომრჩეველთა ნების, საზოგადოების წინააღმდეგ გამოიყენა. დიახ, ჩვენ გვაჯილდოებენ, მაგრამ ჩვენ ჯერჯერობით არ ვართ გამარჯვებულები, ესაა რეალობა. თუ დასასრული ცუდია, მაშინ ეს დასასრული არ არის. ჩვენ უნდა გავაგრძელოთ ბრძოლა", — განაცხადა JRC-ის თავმჯდომარემ, ნათია კუპრაშვილმა, ვენაში გამართულ დაჯილდოების ცერემონიაზე.

ჟურნალისტიკის რესურსცენტრი 2009 წელს, ჟურნალისტმა ნათია კუპრაშvილმა რამდენიმე დამოუკიდებელ ჟურნალისტთან ერთად დააფუძნა. ორგანიზაციის ძირითადი მიმართულება დეზინფორმაციასთან ბრძოლა, დამოუკიდებელი მედიის მხარდაჭერა და რეგიონული მედიის გაძლიერებაა.