რუსული მედიის ინფორმაციით, რომელსაც აფხაზეთის ე.წ. პრეზიდენტის პრესსამსახურზე დაყრდნობით ავრცელებს, რომ ოკუპირებული ასლან ბჟანია, "დეპუტატთან" ჯგუფთან შეხვედრაზე დელეგაციის შექმნას და "ხელისუფლებასა" და ოპოზიციას შორის მოლაპარაკებების დაწყებას დათანხმდა.

ამასთან, გავრცელებული ინფორმაციით, დელეგაციის შექმნა დღეს 18:00 საათამდე უნდა მოხდეს.

"პრეზიდენტ ასლან ბჟანიასა და პარლამენტის დეპუტატთა ჯგუფს შორის შეხვედრა გაიმართა. განიხილეს ქვეყანაში არსებული მდგომარეობა. მიიღეს გადაწყვეტილება, რომ არაუგვიანეს 18:00 საათისა, შეიქმნას დელეგაციები და დაიწყოს მოლაპარაკებები ოპოზიციასა და ხელისუფლებას შორის", — ნათქვამია განცხადებაში.

შეგახსენებთ, რომ ცოტა ხნის წინ არეულობა იყო აფხაზეთში. ოკუპირებული ე.წ. ხელისუფლება და ოპოზიცია ერთმანეთს დაუპირისპირდა რუსეთთან საინვესტიციო შეთანხმების გამო, რომელიც ითვალისწინებს ოკუპირებულ აფხაზეთში ბინების მშენებლობას.

ამასთან, ე.წ. პარლამენტს "დოკუმენტის" რატიფიცირება უნდა მოეხდინა 15 ნოემბერს, მაგრამ პროტესტის დაწყებასთან ერთად საკითხის განხილვაც გადაიდო.

სოხუმში ოპოზიციის მხარდამჭერებმა დაიკავეს ე.წ. სამთავრობო შენობები, მათ შორის ე.წ. პრეზიდენტის ადმინისტრაცია და მოითხოვეს ასლან ბჟანიას გადადგომა.