რუსეთის სიღრმეში ამერიკულ სარაკეტო დარტყმებზე ნებართვის გაცემა უპრეცედენტო ნაბიჯია, რომელსაც მივყავართ მესამე მსოფლიო ომის დაწყებამდე, მაგრამ რუსეთის პასუხი მყისიერი იქნება. ამის შესახებ TASS-ს რუსეთის ფედერაციის საბჭოს საერთაშორისო საქმეთა კომიტეტის თავმჯდომარის პირველმა მოადგილემ, ვლადიმერ ჯაბაროვმა განუცხადა.

"ეს არის უპრეცედენტო ნაბიჯი მესამე მსოფლიო ომის დაწყებისკენ და ამას ამერიკელები აკეთებენ წარმავალი მოხუცის ხელით აკეთებენ, რომელიც არაფერზე აღარ იქნება პასუხისმგებელი ორ თვეში", — განაცხადა ჯაბაროვმა.

მისივე თქმით, რუსეთის პასუხი მყისიერი იქნება და ამ ნაბიჯებით ბაიდენის ადმინისტრაცია ამცირებს ტრამპის თავისუფლების ხარისხს.

"იმედი მაქვს, რომ ჩვენი საჰაერო თავდაცვა გაუმკლავდება ასეთ თავდასხმებს, ჩვენ გვაქვს ძლიერი საჰაერო თავდაცვის სისტემა. …საპასუხო დარტყმა იქნება ისეთი, რომ ყველა გადაწყვეტილების მიღების ცენტრი, ყველა ხიდი დნეპრის გასწვრივ, შეიძლება დაინგრეს. დარტყმა შეიძლება იყოს საშინელი", — აღნიშნა ჯაბაროვმა.

გარდა ამისა, ის არ გამორიცხავს, რომ აშშ-ის პრეზიდენტის, ჯო ბაიდენის ადმინისტრაციის გადაწყვეტილება რუსეთში შორი დისტანციური იარაღით დარტყმის შესაძლებლობის შესახებ შესაძლოა ყალბი იყოს.

"ამ დროისთვის სიფრთხილით უნდა მოვეკიდოთ ამ ინფორმაციას, რადგან არც პენტაგონმა და არც თეთრმა სახლმა ეს ინფორმაცია ოფიციალურად არ დაადასტურა", — თქვა ჯაბაროვმა.

მანამდე The New York Times-მა გაავრცელა ინფორმაცია, რომ ბაიდენმა დაუშვა რუსეთის ტერიტორიაზე ATACMS ტაქტიკური ბალისტიკური რაკეტებით დარტყმები.