საქართველოს პრემიერ-მინისტრის თქმით, ბორჯომში წაღვერის ტყეში გაჩენილ ხანძარზე ამბობს, რომ სიტუაციას აკონტროლებენ და მოხალისეების საჭიროება არ არსებობს. ამის შესახებ კვირიკაშვილმა საგანგებო შტაბის შეხვერდის დასრულების შემდეგ განაცხადა.

მისი თქმით, ცეცხლის სამი კერა არსებობს, რომელთან მისასვლელი გზებიც დილის ექვსს საათამდე იქნება გაყვანილი და ჩასაქრობი სამუშაოები ავიაციასთან ერთად დაიწყება. პრემიერმა აღნიშნა, რომ კრიტიკული ზონებია: ახალი გაშენებული ტყის ნაწილი, წაღვერთან მიმდებარე გორა და სოფელ დაბასთან.

"ბაკურიანში დამსვენებლებს საფრთხე არ ემუქრებათ და ხაზგასმით მინდა აღვნიშნო, რომ იქ დამსვენებლებმა არ ინერვიულონ, გავრცელებისა და პანიკის საშიშროება არ არსებობს", - დასძინა პრემიერმა.

სხდომის დაწყებამდე პრემიერმა განაცხადა, რომ 22 აგვისტოდან წაღვერის ტყეში გაჩენილი ხანძრის ჩაქრობის სამუშაოებში მონაწილეობას აზერბაიჯანისა და თურქეთის ვერტმფრენებიც მიიღებენ. მანამდე კი, მისი დავალებით, ხანძრის მაქსიმალურად მოკლე ვადაში ლიკვიდაციის მიზნით, საგანგებო შტაბი შეიქმნა.

ბორჯომში, წაღვერის ტყეში, სოფელ დაბის მიმდებარე ტერიტორიაზე ტყეში ხანძრის კერები, ძლიერი ქარის გამო, გაღვივდა. ხანძრის ჩასაქრობი სამუშაოები შეწყვიტეს საქართველოსა და აზერბაიჯანის ვერტმფრენებმა. ამ ეტაპზე, 270-მდეა გაზრდილი მეხანძრეების რაოდენობა, ვერტმფრენები კი სამუშაოებში ნებართვის მიღებისთანავე ჩაერთვებიან.

ხანძარი წაღვერის ტყეში 20 აგვისტოს შუადღისას გაჩნდა. მის ჩაქრობას ამ დრომდე უშედეგოდ ცდილობენ. თუმცა, 21 აგვისტოს, დაახლოებით 15 საათზე საგანგებო სიტუაციების მართვის სამსახურმა ხანძრის ლოკალიზების შესახებ ინფორმაცია გაავრცელა.