ინტერპრესნიუსის ცნობით, სოხუმის აეროპორტში, ბოლო რამდენიმე დღის განმავლობაში, პირველი ტექნიკური ავიარეისები ხორციელდება, — გამოცემის ინფორმაციით, ამის შესახებ ოკუპირებული აფხაზეთის ე.წ. პრეზიდენტმა, ასლან ბჟანიამ, ტელეკომპანია Абаза ТВ-სთან ინტერვიუში განაცხადა.

ბჟანიას თქმით, ინვესტორმა საკუთარი ხარჯებით ობიექტის უწყვეტი ელექტრომომარაგება შეძლო. 2023 წლის შემოდგომაზე გავიგეთ, რომ სოხუმის აეროპორტის აღდგენას შპს ინფრასტრუქტურის დეველოპმენტი უხელმძღვანელებდა.

სამოქალაქო ავიაციის საერთაშორისო ორგანიზაცია სოხუმის აეროპორტს საერთაშორისო აეროპორტად არ ცნობს, ვინაიდან აღიარებს საქართველოს ტერიტორიულ მთლიანობას. ორგანიზაციამ 2006 წლიდან გააუქმა აეროპორტის კოდი და მის შესახებ ინფორმაცია დოკუმენტებიდან ამოიღო.