საქართველოს რკინიგზის გურჯაანში დასაქმებულები უკვე მეშვიდე დღეა რკინიგზის დეპარტამენტის შენობის წინ შიმშილობენ. მათ დღეს კიდევ ერთი აქცია გამართეს.

პროფკავშირების გაერთიანების თავმჯდომარის, ირაკლი პეტრიაშვილის, განცხადებით, თუ რკინიგზა რკინიგზელების მოთხოვნებს 2 დღის ვადაში არ შეასრულებს, საქართველოს პროფკავშირების გაერთიანება სოციალური პარტნიორობის სამმხრივ კომისიას დატოვებს.

საქართველოს რკინიგზის გურჯაანში დასაქმებულმა ორმა თანამშრომელმა შიმშილობა 15 აგვისტოს დაიწყო. 17 აგვისტოს გამართულ აქციაზე კიდევ შვიდმა ადამიანმა, მათ შორის, რკინიგზის ახალი პროფკავშირების წევრებმა მიიღეს გადაწყვეტილება, შეერთებოდნენ შიმშილობის აქციას.

აქციის მონაწილეები თავდაპირველად რკინიგზელების ძველ სამუშაო ადგილზე დაბრუნებას, ან ტრანსპორტირებისა და საცხოვრებლის ანაზღაურებას ითხოვდნენ, მოგვიანებით მათ მოთხოვნებს საქართველოს რკინიგზის პრესსამსახურის უფროსის დაჩი ცაგურიას და რკინიგზის ინფრასტრუქტურის დირექტორის ვასილ ხორავას გათავისუფლების მოთხოვნა დაემატა.

დღევანდელ აქციაზე სიტყვით გამომსვლელები ამბობდნენ, რომ თუ მათი მოთხოვნები არ დაკმაყოფილდებოდა, შიმშილობის აქციას ისინიც შეუერთდებოდნენ.

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge

ფოტო: აკა ზარქუა / On.ge