გერმანიის პრეზიდენტმა, ფრანკ-ვალტერ შტაინმაიერმა ვადამდელი არჩევნების ჩატარების თარიღი დაამტკიცა, რომელზეც გერმანიის მთავარი პარტიები შეთანხმდნენ და თქვა, რომ კენჭისყრა 23 თებერვალს ჩატარების გეგმა "რეალისტურია". ამის შესახებ DW წერს.

სახელმწიფოს მეთაური "მიესალმება იმ ფაქტს, რომ საპარლამენტო ჯგუფები შეთანხმდა და მიაჩნია, რომ 2025 წლის 23 თებერვალი ახალი არჩევნების ჩასატარებლად რეალისტურ თარიღია", — ნათქვამია ადმინისტრაციის განცხადებაში.

11 ნოემბერს მედიაში გავრცელდა ცნობა იმის შესახებ, რომ ქრისტიან-დემოკრატიული კავშირის ხელმძღვანელი ფრიდრიხ მერცი არჩევნების ჩატარების თარიღად 16 ან 23 თებერვალს განიხილავს.

შეგახსენებთ, რომ გერმანიის მმართველი კოალიცია რამდენიმე დღის წინ, 7 ნოემბერს მას შემდეგ დაიშალა — კანცლერმა ოლაფ შოლცმა, ეკონომიკურ რეფორმებთან დაკავშირებით უთანხმოების გამო, ფინანსთა მინისტრი კრისტიან ლინდნერი დაითხოვა.