თბილისის საერთაშორისო აეროპორტიდან მილანისკენ გაფრენილი Georgian Airways-ის თვითმფრინავი უკან დაბრუნდა.

თვითმფრინავი თბილისის საერთაშორისო აეროპორტიდან თბილისის დროით 12:06 საათზე გაფრინდა და თითქმის ერთი საათი საწვავის დაწვის მიზნით წრეებს არტყამდა.

ავიაკომპანიის პრესსამსახურის ინფორმაციით, ბორტსა და სანავიგაციო ჯგუფს შორის კომუნიკაციაში ხარვეზი იყო.

Georgian Airways-ში აცხადებენ, რომ მილანის მიმართულებით ფრენა ტექნიკური ხარვეზის აღმოფხვრისთანავე შესრულდება.