კოალიცია ძლიერი საქართველოს ლიდერმა, ანა დოლიძემ ტელეკომპანია ტვ პირველთან განაცხადა, რომ შეხვედრა დასრულდა ევროპელ ლიდერებთან, ხოლო საუბარი იყო იმაზე, "კონკრეტულმა ევროკავშირმა რა შეიძლება გააკეთოს, რომ ოცნებამ დანიშნოს ახალი არჩევნები".

დოლიძეს თქმით, მხარეებმა განიხილეს ქვეყნის ეკონომიკური მდგომარეობა და ის გზები თუ როგორ გაგრძელდეს დახმარება ქართველი ხალხის მიმართ.

"საუბარი იყო იმაზე, კონკრეტულად ევროკავშირმა რა შეიძლება გააკეთოს, რომ „ოცნებამ“ დანიშნოს ახალი არჩევნები და ასევე არაღიარება მოხდეს ამ არჩევნების. საუბარი იყო სანქციების გამოყენებაზე, კონკეტული პირების მიმართ, ასევე ცესკოს თანამშრომლების დამაღლჩინოსნების მიმართ, ვისი მეთაურობითაც მოხდა გაყალბება. საუბარი იყო საერთაშორისო გამოძიებაზე და ყველა მექანიზმზე, რომელიც რეალურია, უბრალოდ ჩამოსაყალიბებლები არიან, როგო შეიძლება მოხდეს. ჩვენ ვითხოვთ საერთაშორისო გამოძიებას სასწრაფოდ. ასევე საუბარი იყო ეკონომიკურ მდგომარეობაზე- მნიშვნელოვანია, რომ დახმარება გაგრძელდეს ხალხის მიმართ. ევროკავშირი მზადაა, უბრალოდ ახლა ბიუროკრატიამ უნდა იმუშაოს, რომ ეს ყველაფერი გატარდეს", – განაცხადა დოლიძემ.

ამასთან დღეს, 19:00 საათზე პარლამენტის წინ საპროტესტო აქცია გაიმართება, ხოლო ტელეკომპანიის მიერ მოპოვებული ინფორმაციით, აქციაზე ქართველ ხალხს სიტყვით მიმართავენ თბილისში მყოფი 8 ქვეყნის პარლამენტის საგარეო კომიტეტების თავმჯდომარეები.

ოპოზიციასთან შეხვედრამდე 8 ქვეყნის პარლამენტის საგარეო კომიტეტების თავმჯდომარეები საქართველოს პრეზიდენტს შეხვდნენ და აუდიენციის დასრულების შემდეგ მედიის კითხვებს უპასუხეს, რის მერეც პრეზიდენტის სასახლის წინ გამართულ შეკრებაზე, აქციის მონაწილეებთან გადაინაცვლეს.