თეთრი სახლის აპარატს ტრამპის საარჩევნო კამპანიის ერთ-ერთი ხელმძღვანელი სიუზან უაილსი ჩაიბარებს. ამერიკის შეერთებული შტატების არჩეულმა პრეზიდენტმა, დონალდ ტრამპმა პირველი საკადრო გადაწყვეტილება გამოაცხადა. 67 წლის უაილსი აშშ-ის ისტორიაში პირველი ქალია, რომელიც ამ თანამდებობას დაიკავებს. ინფორმაციას CNN-ი ავრცელებს.

როგორც დონალდ ტრამპმა აღნიშნა, სუზი უაილსი საყოველთაო აღფრთოვანებასა და პატივისცემას იწვევს.

"სუზი უაილსი დამეხმარა ამერიკის ისტორიაში ერთ-ერთი უდიდესი პოლიტიკური გამარჯვების მიღწევაში და იყო ჩემი 2016 და 2020 წლების წარმატებული კამპანიის განუყოფელი ნაწილი. სუზი მკაცრი, ჭკვიანი, ინოვაციურია და საყოველთაო აღფრთოვანებასა და პატივისცემას იმსახურებს. ის გააგრძელებს დაუღალავად მუშაობას, რათა ამერიკა კვლავ დიდებული გახდეს“, — განაცხადა ტრამპმა.

სიუზან უაილსი (სამეროლი) ნიუ-ჯერსიში დაიბადა. მისი მამა ეროვნული საფეხბურთო ლიგის მოთამაშე და მოგვიანებით პოპულარული სპორტული კომენტატორი პეტ სამეროლი იყო.

სიუზან უაილსმა მერილენდის უნივერსიტეტი დაამთავრა. 1980 წელს ჩართული იყო რონალდ რეიგანის საარჩევნო კამპანიაში. 1990-იანი წლებიდან კი იყო არაერთი რესპუბლიკელი პოლიტიკოსის მრჩეველი და თანაშემწე.

დონალდ ტრამპის და სიუზან უაილსის თანამშრომლობა 2016 წლიდან დაიწყო.