აშშ-ის საპრეზიდენტო არჩევნებში დონალდ ტრამპის გამარჯვების პარალელურად ვირტუალური ვალუტა ბიტკოინის ფასმა რეკორდულ სიმაღლეს მიაღწია.

ციფრული ვალუტის ფასმა 75800 დოლარსაც კი მიაღწია, გადააჭარბა რა წინა რეკორდს, რომელიც 2024 წლის მარტში დამყარდა და 73798 დოლარს შეადგენდა.

ფასის ზრდა ინვესტორების მოლოდინმა გამოიწვია, რომ რესპუბლიკელთა გამარჯვება ვირტუალურ ვალუტაზე მოთხოვნას გაზრდიდა. პრეზიდენტობის პერიოდში ტრამპი კრიპტოვალუტებს თაღლითობასა და ტყუილს უწოდებდა, თუმცა მას შემდეგ მისი შეხედულებები რადიკალურად შეიცვალა, იმდენად, რომ საკუთარი პლატფორმაც კი შექმნა.

წინასაარჩევნო პერიოდში ტრამპმა განაცხადა, რომ ამერიკის შეერთებულ შტატებს "კრიპტოვალუტის მსოფლიო დედაქალაქად" გადააქცევდა.