2024 წლის მოლდოვის საპრეზიდენტო არჩევნების მეორე ტურში რუსეთი მაქსიმალურად ეცდება უცხოეთში მყოფ მოლდოვურ დიასპორაზე ზეწოლა მოახდინოს. ამის შესახებ REUTERS მოლდოვის მთავრობის წარმომადგენელზე დაყრდობით წერს.

როგორც გამოცემა აცხადებს, საუბარია არა მხოლოდ რუსეთში მცხოვრებ ემიგრანტებზე, არამედ ევროკავშირის ტერიტორიაზე არსებულ დიასპორაზეც. მოლდოვური წყაროს ინფორმაციით, არსებობს საფრთხე, რომ საარჩევნო უბნები იტალიაში, საფრანგეთში, გერმანიაში, ესპანეთში, კანადაში, რუმინეთში, აშშ-სა და დიდ ბრიტანეთში მოსკოვის სამიზნე აღმოჩნდეს.

პროდასავლური მოქმედი პრეზიდენტი მაია სანდუ მეორე ტურის დაძაბულ დაპირისპირებაში ხვდება ყოფილ გენერალურ პროკურორს ალექსანდრე სტოიანოგლოს, რომელსაც მხარს ტრადიციულად პრორუსული სოციალისტური პარტია უჭერს.