რუსეთის საგარეო საქმეთა სამინისტროს სპიკერი, მარია ზახაროვა ქართულ ოცნებას გამარჯვებას ულოცავს. ზახაროვას განცხადებით, ქართველმა ხალხმა სწორი არჩევანი გააკეთა და რეგიონში დესტაბილიზაციის წინააღმდეგ მისცა ხმა.

"კოლოსალური ზეწოლის მიუხედავად ქართველმა ხალხმა გააკეთა არჩევანი. 26 ოქტომბერს ამომრჩევლებმა სტაბილურობას, განვითარებასა და საქართველოსთვის ტრადიციულ ღირებულებებს დაუჭირა მხარი. ისინი მიხვდნენ, რომ ალტერნატივა დესტაბილიზაცია და რეგიონში დაძაბულობაა", — აცხადებს ზახაროვა.

რუსეთის საგარეო საქმეთა სამინისტროს სპიკერი ამბობს, რომ საქართველოს უახლოესმა მეზობლებმა და დასავლეთის ქვეყნების ნაწილმა, მმართველ ქართულ ოცნებას დამაჯერებელი გამარჯვება მიულოცეს.