"სამწუხაროდ, ეს საკმარისი არ არის. სიფრთხილის გამოჩენით ვკარგავთ საქართველოს", — წერს ესტონეთის პარლამენტის საგარეო ურთიერთობათა კომიტეტის თავმჯდომარე, მიხელსონი სოციალურ პლატფორმა X-ზე.

შეგახსენებთ, რომ საქართველოში არსებული მდგომარეობის შესახებ სკანდინავიური ქვეყნების საგარეო საქმეთა მინისტრებმა გუშინ გაავრცელეს განცხადება, სადაც აცხადებენ, რომ უერთდებიან არჩევნების გამოძიებასთან დაკავშირებულ მოწოდებებს.

"ჩვენ, სკანდინავიური ქვეყნები ვუერთდებით საერთაშორისო მოწოდებებს, ჩატარდეს საქართველოს 26 ოქტომბრის საპარლამენტო არჩევნებთან დაკავშირებული გამოვლენილი დარღვევების საფუძვლიანი და მიუკერძოებელი გამოძიება. აუცილებელია, განეიტრალდეს ეჭვები, რომლებიც ჩრდილს აყენებენ საარჩევნო პროცესის სანდოობას.

სკანდინავიური ქვეყნები მტკიცედ უჭერდნენ მხარს საქართველოს ევროატლანტიკური ინტეგრაციის მიზანს, რაც საერთო ფუნდამენტურ ღირებულებებზეა დაფუძნებული", — წერია განცხადებაში.