Z-ბლოგერებმა, ოლეგ ცარევმა და იგორ დმიტრიევმა ანკარის ტერაქტის ერთ-ერთი ორგანიზატორი ქალის ფოტო გამოაქვეყნეს, თუმცა სინამდვილეში ფოტოზე Call of Duty-ს პერსონაჟია გამოსახული.

Call of Duty კომპიუტერული თამაშია, ხოლო ფოტოზე გამოსახული ქალი თამაშის პერსონაჟი — ფარა კარიმია, რომელიც გამოგონილი ქვეყნის, ურზიკსტანის მებრძოლია.

"ამოცნობილია ქალი, რომელიც ანკარის ტერაქტში იღებდა მონაწილეობას. როგორც მოსალოდნელი იყო, ტერორისტი ქურთისტანის მუშათა პარტიის წევრი, ფარა კარიმ ჰურდ მუსლიმია", – წერია ცარევის პოსტში, რომელიც ავტორმა მოგვიანებით წაშალა.

ცარიევი და დმიტრიევი ყოფილი უკრაინელი მაღალჩინოსნები არიან, რომლებიც რუსეთის მხარეს 2014 წელს გადავიდნენ.