საქართველოს სახალხო დამცველი გუშინ, 15 აგვისტოს, თბილისში საქართველოს რკინიგზის შენობის მიმდებარე ტერიტორიაზე მომხდარ ფაქტს ეხმაურება:

"აქციის მონაწილეებს უკანონოდ ერთმევათ კარვის გაშლის შესაძლებლობა, რითაც ხელი ეშლებათ შეკრების თავისუფლების სრულყოფილად რეალიზაციის პროცესში".

როგორც ომბუდსმენი წერს, გუშინდელ აქციაზე ასევე იმყოფებოდნენ სახალხო დამცველის აპარატის წარმომადგენლები, მათ მოითხოვეს საპატრულო პოლიციისგან განმარტება თუ რომელი სამართლებრივი ნორმა ირღვეოდა კარვის გაშლით თუმცა, პოლიციის მხრიდან ამ კითხვაზე ომბუდსმენის წარმომადგენლებმა პასუხი ვერ მიიღეს.

სახალხო დამცველის შეფასებით, პოლიციის აღნიშნული ქმედებით დაირღვა მოქალაქეების შეკრების თავისუფლების უფლება.

სახალხო დამცველის განცხადებაში საუბარია ასევე ადრინდელ პრეცენდენტებზე როდესაც მომიტინგეებს კარვის გაშლის საშუალება არ მისცეს. ის 2016 წლის 25 აგვისტოს ინცინდენტს განიხილავს, როდესაც "პარტიზან მებაღეებს" ადმინისტრაციული შენობის წინ კარვის გაშლის შესაძლებლობა არ მიეცა.

გუშინ საქართველოს რკინიგზის შენობის წინ კომპანიის ორმა თანამშრომელმა შიმშილობა დაიწო და კარვის გაშლა სცადა თუმცა ადგილზე მობილეზებულმა საპატრულო პოლიციამ მათ ამის შესაძლობლობა არ მისცა და მომიტინგეებს კარავი დაუშალა.