იულია ნავალნაიამ The Times-თან ინტერვიუში თქვა, რომ მეუღლის ლექსეი ნავალნის გარდაცვალებამდე ერთი დღით ადრე აცნობეს, რომ მას ერთ კვირაში გაათავისუფლებდნენ.

ნავალნაიას თქმით, 15 თებერვალს, მიუხენის უსაფრთხოების ყოველწლიურ კონფერენციაზე უთხრეს, რომ ნავალნის გაცვლის შესახებ მოლაპარაკებები დასასრულს უახლოვდებოდა, თუმცა მას არ დაუკონკრეტებია, თუ ვინ მიაწოდა ინფორმაცია სავარაუდო გაცვლის შესახებ.

ოპოზიციური ლიდერის ქვრივმა აღნიშნა, რომ მან იცოდა რუსეთის პრეზიდენტის, ვლადიმერ პუტინის პოლიტიკა და დაუშვა ის ფაქტი, რომ შეიძლება შეთანხმება არ შემდგარიყო.

გაცვლის ვერსიაზე ნავალნაიამ თქვა ის, რაზეც მანამდე ოპოზიციის ლიდერმა მარია პევჩიხმა ისაუბრა, რომ 15 თებერვლის საღამოს, მოლაპარაკებები იყო ფინალურ ეტაპზე.

ამასთან, მან თქვა, რომ რუსეთში იქამდე არ დაბრუნდება, სანამ უსაფრთხოების გარანტიები არ ექნება, რომ მისი მეუღლის მსგავსად, მასაც აეროპორტში არ დააპატიმრებენ. ნავალნაიას ინფორმაციით, იგი დაცვით სარგებლობს და მალავს თავის საცხოვრებელ ადგილს.

"(პუტინზე) მინდა, რომ ის რუსულ ციხეში აღმოჩნდეს, როგორც ჩემი ქმარი იქ. მე მინდა, რომ ის რუსეთის მეფის მსგავსად ჩვეულებრივ პატიმრად იქცეს", — თქვა მან.