ცნობები იმის შესახებ, რომ ჰამასის ლიდერი, იაჰია სინვარი ლიკვიდირებულია, ისრაელის თავდაცვის ძალებმა (IDF) გუშინ, 17 ოქტომბერს გაავრცელეს. სინვარი მიიჩნევა სამხრეთ ისრაელში 2023 წლის 7 ოქტომბერს მომხდარი თავდასხმის მთავარ ორგანიზატორად.

გავრცელებული ინფორმაციით, სინვარი არ იყო სპეცოპერაციის სამიზნე და ღაზაში რეიდის შედეგად დაწყებული შეტაკებების შედეგად მოკლეს. მხოლოდ მოგვიანებით, ტერიტორიის დათვალიერების შედეგად აღმოაჩინეს, რომ რაფაში ერთ-ერთ მოკლულთაგან ჰამასის ლიდერიც იყო.

მისი ვინაობა დნმ-ის ტესტის საფუძველზეც დადასტურდა.

IDF-ისა და ისრაელის შიდა უსაფრთხოების სამსახურის ხელმძღვანელის შინ ბეთის მიერ ერთობლივად გაკეთებული განცხადებიდან ვიგებთ, რომ ბოლო რამდენიმე კვირის განმავლობაში, 162-ე დივიზია იმ ადგილებში ახორციელებდა სამხედრო ოპერაციებს, სადაც დაზვერვამ მიუთითა, რომ ჰამასის მაღალჩინოსნები იმალებოდნენ.

დასავლელი ლიდერების უმრავლესობას მოლოდინი აქვთ, რომ სინვარის სიკვდილი შეიძლება ღაზაში ომის დასრულებას ნიშნავდეს. ასევე ეს იქნება შესაძლებლობა, რომ ჰამასთან ტყვეობაში მყოფი 100 ადამიანი დაიხსნან.

CNN-ის თქმით, ისრაელის ღაზაში შეჭრის სამხედრო ოპერაციების დაწყებას 42,000-ზე მეტი პალესტინელი ემსხვერპლა, ხოლო 2.2 მილიონ ადამიანს კი, ელემენტარული ჰუმანიტარული პირობების ნაკლებობის გამო გადასახლება მოუწიათ.

მსოფლიო ლიდერების გამოხმაურება სინვარის სიკვდილზე:

აშშ-ის პრეზიდენტმა ჯო ბაიდენმა შეაქო ისრაელის პრემიერმინისტრი ბენიამინ ნეთანიაჰუ და ისრაელის თავდაცვის ძალები და დასძინა, რომ მათ "საქმე არაჩვეულებრივად შეასრულეს". თეთრი სახლის განცხადებით, ბაიდენის თქმით, სამხედრო ლიდერის სიკვდილი არის "ბედნიერ დღე ისრაელისთვის, აშშ-სა და მთელი მსოფლიოსთვის".

ბრიტანეთის პრემიერმინისტრი კეირ სტარმერმა სინვარი მოიხსენია როგორც "ჰოლოკოსტის შემდეგ, ებრაელების მომაკვდინებელი დღის მთავარი ორგანიზატორი" და დასძინა, რომ დიდი ბრიტანეთი "არ იგლოვებს მის სიკვდილს".

საფრანგეთის პრემიერმინისტრმა ემანუელ მაკრონმა თქვა, რომ "იაჰიას სინვარი იყო მთავარი პასუხისმგებელი პირი იმ ტერორისტული და ბარბაროსული აქტების, რომელიც 7 სექტემბერს მოხდა. დღეს ჩემი ფიქრები და ღელვა (ტერაქტის დღეს დაღუპულთა) დაზარალებულებისკენ არის მიმართული, ისევე როგორც ჩვენი 48 თანამონაწილეებისკენ და მათი ახლობლებისკენ. საფრანგეთი მოითხოვს ტყვეების გათავისუფლებას, რომლებიც ჯერ კიდევ ჰამასთან იმყოფებიან".

გერმანიის საგარეო საქმეთა მინისტრმა ანალენა ბერბოკმა თქვა, რომ "სინვარი ბრუტალური მკვლელი და ტერორისტი იყო, რომელსაც ისრაელისა და მისი ხალხის განადგურება სურდა". მან დასძინა, რომ ჰამასმა სასწრაფოდ უნდა გაათავისუფლოს მძევლები და დაყაროს იარაღი. მისივე თქმით, "ღაზას ხალხის გადარჩენისთვის ბრძოლა საბოლოოდ უნდა დასრულდეს".

იტალიის პრემიერმინისტრმა ჯორჯია მელონიმ თქვა, რომ დარწმუნებულია ახალი ფაზა ახლა უნდა დაიწყოს: დროა ყველა მძევალი გათავისუფლდეს და სასწრაფო ცეცხლის შეწყვეტა გამოცხადდეს, ამასთან უნდა დაიწყოს ღაზას რეკონსტრუქცია".

ევროპული კომისიის პრეზიდენტმა ურსულა ფონ დერ ლაენმა ამბობს, რომ "სინვარი ტერორისტული ორგანიზაციის ლიდერი იყო, ტერორისტული ორგანიზაცია ჰამასის. ის მთავარი ორგანიზატორია 7 ოქტომბრის მკვლელობებისა და ხოცვის, გაუპატიურებისა და გატაცების. ამიტომ მისი სიკვდილი საგრძნობლად ასუსტებს ჰამასს”.

ევროკავშირის საგარეო საქმეთა უფროსმა ჯოზეფ ბორელმა კი ხაზი გაუსვა იმას რომ "(სინვარი) იყო დაბრკოლება სასწრაფოდ საჭირო ცეცხლის შეწყვეტისა და ყველა მძევლის უპირობო გათავისუფლებისთვის." ბორელმა იქვე დასძინა: "უნდა დასრულდეს ძალადობა, მძევლების გათავისუფლება და პალესტინელების ტანჯვა შეწყდეს".