სახელმწიფო მედიის ცნობით, ჩრდილოეთ კორეის კონსტიტუციით სამხრეთ კორეა "მტრულად განწყობილ ქვეყნად" გამოცხადდა.

სახელმწიფო გაზეთი Rodong Sinmun ცვლილებას "გარდაუვალსა და ლეგიტიმურ ზომას" უწოდებს — მხარეებს შორის დაძაბულობამ ბოლო წლების განმავლობაში პიკს მიაღწია.

ჩრდილოეთ კორეამ 15 ოქტომბერს სამხრეთთან დამაკავშირებელი რკინიგზა და გზები ააფეთქა, რასაც რეჟიმმა "ეტაპობრივი განცალკევების ზომები" უწოდა.

ექსპერტთა აზრით, კონსტიტუციური ცვლილება სიმბოლურია, რადგან კიმ ჩენ-ინმა ორი სახელმწიფოს გაერთიანება ჯერ კიდევ 2023 წლის დეკემბერში გამორიცხა.

ექსპერტები სრულმასშტაბიან ომის პერსპექტივას მაინც ეჭვის თვალით უყურებენ.

"მეეჭვება, რომ სიტუაცია ომის დონემდე გამწვავდება. ჩრდილოეთ კორეა სამხედრო დაპირისპირებას შიდა კონტროლის გასაძლიერებლად თამაშობს", — განაცხადა ბუსანის უნივერსიტეტის პოლიტიკური მეცნიერებისა და დიპლომატიის პროფესორმა კანგ დონგ-ვანმა