საზოგადოებრივი მაუწყებლის ახალი შენობის მშენებლობა დასრულდა.

საზმაუს ახალი შენობა საზეიმოდ დღეს გაიხსნა. ტელევიზია ახალ შენობაში სრულად რამდენიმე დღეში გადავა. ახალი შენობის მშენებლობა 2023 წლის სექტემბრის საბიუჯეტო კომიტეტის მონაცემებით, 85 263 621 ლარი დაჯდა

აღსანიშნავია, რომ 2022 წლის სექტემბერში, თბილისში, კოსტავას 68-ში მდებარე საზოგადოებრივი მაუწყებლის შენობა-ნაგებობები და მიწის ნაკვეთი 65 100 000 ლარად გაიყიდა. აუქციონზე გამოტანილი იყო 33 209 კვადრატული მეტრი მიწის ნაკვეთი და 23 649 კვადრატული მეტრი შენობა-ნაგებობები. აუქციონში მონაწილეობის შესაძლებლობა დაინტერესებულ მხარეებს 2022 წლის 30 სექტემბრის ჩათვლით ჰქონდათ. მაუწყებლის შენობა "ვისოლ ჯგუფმა" შეიძინა