ისრაელის თავდაცვის ძალების (IDF) განცხადებით, 12 ოქტომბერს ჰეზბოლას მიერ ისრაელის სამხედრო ბაზაზე დრონებით თავდასხმის შედეგად 4 ჯარისკაცი დაიღუპა და 50-ზე მეტი დაიჭრა.

თავდასხმის სამიზნე ბინიამინასთან მდებარე ბაზა იყო — ადგილი, რომელიც ჰაიფადან 33 კილომეტრითაა დაშორებული.

ირანის მიერ მხარდაჭერილმა ჰეზბოლამ თავდასხმაზე პასუხისმგებლობა აიღო და განაცხადა, რომ სამიზნე ნამდვილად IDF-ის გოლანის ბრიგადის საწვრთნელი ბაზა იყო ჰაიფასა და თელ-ავივს შორის. ჰეზბოლამ ასევე განაცხადა, რომ ეს თავდასხმა ბეირუთის დაბომბვის საპასუხოდ განხორციელდა.